Showing 2 from 2 Items

Toggle Filters
Count:
Sort by:
Order:

Tussen Woorde – Driekie Beetge

Driekie  Coetzee  Beetge  is  op  1  Junie  1966  in  Suid-Afrika  gebore. Sy  is  die  eerste  dogter  van  Bettie,  gebore  Slabbert.  Haar  vader  is vroeg  in  haar  lewe  oorlede  en  haar  moeder  het  later  weer  in  die huwelik getree.

Driekie  en  haar  jonger  boetie,  Gert  Coetzee,  het  saam  met  vier stiefsusters  en  een stiefbroer in Rustenburg  grootgeword.

Sy  was  vir  28  jaar  getroud.  Twee  kinders,  ’n  dogter  (Chantell gebore 26-08-1987)  en  ’n seun  (Renier gebore 13-10-1989 – 23-08-2018),  is  uit  haar  1ste  huwelik  gebore.

Met groot hartseer oorleef sy en haar familie haar geliefde seun, Renier, die 23-08-2018.

Te midde van die groot hartseer bly sy  ’n  trotse ouma  van  drie  kleinkinders,  waarvan  twee  dogters  en  een  ’n kleinseun  is.

Sy is  tans  baie gelukkig  getroud met  Morné Beetge.

Sy  is  ’n  dromer  en  kan  haarself  uitleef  as  ’n  olieverfkunstenaar  of  haar  hart  uitpraat  deur  gediggies  te skryf.  Haar  liefde  vir  olieverf  het  ontstaan  na  aanleiding  van  die invloed  wat  Moeder  Natuur  op  haar  as  persoon  het,  asook  die wildslewe  van  haar  geliefde  vasteland,  Suid-Afrika.  Hierdie liefde  word ook deur  haar  gedigte  weerspieël.

Sy  het  in  die  vroeë  2000’s  in  ’n  informele  huis-ateljee  by  Linda Brits,  in  die  hartjie  van  die  Bosveld,  Thabazimbi,  geleer  skilder.  Daar  het  haar  talent  as  olieverfkunstenaar  ontwaak,  met  die diep  begeerte om  wilds-,  plaas-  of  natuurlewe  op  doek  vas  te  lê.

Die  inspirasie  om  met  woorde  te  speel,  in  die  vorm  van gediggies,  is  ’n  talent  wat  sy  vroeg  reeds  ontdek  het  en  spruit voort  uit  haar  lewe  as  kind,  vrouwees,  vriendin,  moeder,  ouma, haar  liefde  vir  haar  eggenoot  en  die  lief  en  leed  van  haar lewensverhaal.

Haar eerste bundel,  Sonder tralies,  is vroeg 2017 vrygestel.

Haar  grootste  inspirasie  en  talente  ontvang  sy dankbaar  van  haar  Skepper.

Driekie  is  tans  gevestig  in  Kathu,  in  die  Noord-Kaap,  die Kalahari.

read more